AVP ta haya rason. Nan a bisa den prensa cu henter e show cu a mira den e ultimo dianan, ta bay termina den loke e ta, un show, segun parlamentario y ex minister di infrastructura, Benny Sevinger. Un show politico, caminda cu interes di comunidad no a yega na discusion, mucho menos ta wordo sirbi door di e partidonan den gobierno.
Un show unda cu por mira unda cu politiconan den e caso aki, parlamentario, ministernan di diferente partido ta wak con por saca placa pa tin un propio banco, pa por nombra hende, pa dicidi y asina ey por yega na keda den gobierno supuestamente, den un proximo eleccion. Esey ta e meta pa loke ta mira ta sosodiendo den nos pais. Ningun momento ta mira un belang den nos comunidad. Den ningun momento ta tende cu tin algo cu ta na beneficio di nos comunidad. Al contrario. Medidanan ta wordo tuma, BBO a wordo subi, BAZV a wordo subi, awo a bin cu un BAVP, awo ta subi gasolin, awa y coriente ta bay subi. Ta bin cu tur loke ta servicio di gobierno, bo mester bay paga extra riba dje. Riba tur esaki, awor aki ta aumenta cobramento di sushi tambe pa comunidad, entrante 1 di Juli, cu a caba di pasa.
Mirando esey, fraccion di MEP, mirando con nan ta asotando comunidad, a yama y haci pregunta na minister, con esaki por ta posibel. Awo nan ta confirm’e, cu nan no tabata sa cu e minister aki ta bay cobra extra pa recogemento di sushi y ta puntra si ta asotando comunidad caba. Comunidad tin te na su garganta di e medidanan y awo ta bin uno extra riba dje. E pregunta di fraccion di MEP tabata , con por ta posibel cu gobierno ta permiti un partido, den e caso aki cu minister Oduber pa haci e tipo di entradanan aki pa su propio beneficio.
Sevinger ta splica pakico. E presupuesto di Serlimar ta 22 miyon. Den Parlamento a aumenta loke gobierno tabata duna Serlimar caba casi 13 miyon, pa 16 miyon. E minister a haya 3 miyon caba adicional, compara cu e presupuestonan anterior. El a bin den parlamento y el a bisa tur e fraccionnan presente, cu esaki no ta suficiente. Mester di mas entrada pa por garantisa cu Serlimar ta sigui duna un miho servicio. Parlamento a dun’e 6 miyon mas. Esey ta nifica cu e minister aki a haya no solamente mas di 13 miyon, pero el a haya casi e dobel. 22 miyon e minister aki a haya. Esey ta nifica, b’a garantisa Serlimar su gastonan den totalidad, trahado, ekipo, tur cos cu Serlimar mester, b’a garantisa, parlamento a nabo e placa. Kico ta e motibo e ora ey bo ta puntra bo mes, pa bo por bin cobra comunidad 90 florin pasobra cu bo mester di mas placa. Eynan e pregunta cardinal ta.
Pakico bo kier mas placa, pa bo por hinca den e pot di Serlimar
E ora ta bin na kico e mentalidad di e minister aki ta. Manera comunidad a bis’e caba. No ta nada otro cu loke a mira cu tempo e tabata minister den Gabinete Eman, cu e minister aki, su modus operandi ta, traha pochi di placa tur caminda pa por maneha, dirigi, tuma hende den servicio, tuma friends & family den servicio, pa por duna contract aki bao di bao di man, un contract na banda, pazuid. Esey ta e modus operandi di e minister aki. A mir’e den pasado, a mir’e con el a funciona.
