Minister Presidente a sali pa New York

477

Awe tardi, Prome Minister mr. Evelyn Wever-Croes a sali rumbo pa New York, na Merca, pa ey atende un reunion di Nacionnan Uni. “Mi a wordo invita pa un debate na Nacionnan Uni relaciona cu derecho di mucha, hunto cu Presidente di Zweden. E debate ta tuma lugar mañan mainta caminda cu mi lo adresa Nacionnan Uni”, asina e Prome Mandatario a informa.

E invitacion a wordo haci pa e representa Reino Hulandes, en bista di e retonan cu Gobierno di Aruba tin pa bienestar di nos muchanan, e experiencia y e plannan cu Aruba tin.

E debate ta tuma luga dialuna mainta bou e titulo “Children and Armed Conflict”, den cual Minister President lo dirigi palabra.

Mas leu el a indica cu e lo reuni tambe cu Unicef pa yuda Aruba den e Crisis Plan Social. Hulanda lo pone e fondonan disponibel. “Ohala logra convence Unicef pa yuda den e Crisis Plan Social”, asina Minister Presidente Wever-Croes a termina bisando.

Con largo e lo permanece na New York no ta conoci. Den su ausencia, Minister Otmar Oduber ta keda den funcion di Minister Presidente y lo dirigi e reunion di Conseho di Minister di diamars awor.