Balashi Beergarden no a yena diabierna anochi solamente cu amantenan local di musica di Doble R, sino tambe a conta cu presencia di un parlamentario di Corsou. Ex-Prome Minister interino di Corsou a scoge pa bin pasa algun dia di vakantie na Aruba y a probecha di baila Doble R, Papito y su Nuevo Sabor y Robert & Su Solo Banda Show. Por aprecia parlamentario Steven Martina para aki banda di Neelis Winklaar, un pensionado di Post Aruba N.V., cu tambe ta amante di bon fiesta.
Dr. Ivan “Steven” Martina tabata Minister di Asuntonan Economico di Corsou na 2013 y desues di juni 2017 pa februari 2019. E tabata presidente y CEO di Guardian Group Fatum. Awendia e ta parlamentario y lider di partido MAN. Ta bon pa menciona cu e ta yiu homber di e conocido politico Don Martina di Corsou.
