Na tur ta calcula cu tabatin no menos di 1.500 persona den Balashi Beergarden na Balashi, pa atende e evento “Doble R Puru – Concierto bailabel di aña”, organisa pa Fundacion Mi Cutisa. For di trempan caba un cantidad di hende a duna acto di presencia. Mayoria a opina cu nan tin lunanan cera den cas, sin por sali baila den un fiesta y cu e evento aki a bin net na un bon momento.
E fiesta, cu a conta cu presentacion di Papito y su Nuevo Sabor, Robert & su Solo Banda Show, Miniteca Genie y finalmente presentacion di Doble R Puru for di Corsou. Carchi a cuminsa na 55 florin pero generalmente tabata 99 florin pa persona, mientras cu tabatin un
seccion grandi di mesa VIP. Amantenan di bon fiesta a haya un bon oportunidad di marca poco paso, pero tambe di aprecia
algun top musico di nos region.
A sinti falta di Rignald Recordino (Doble R) pero cu no por a atende pa motibo di salud. Na su luga, a conta cu Arnell Salsbach tras di piano. Un otro persona cu tampoco a presenta cu Doble R ta Mr. Saab. Parce cu e no ta forma parti di Doble R Puru, aunke cu Gibi Doran si a presenta den “front” di e banda. Mester menciona cu Robert JeanD’or tampoco por tabata presente pa motibo di salud.
