Dialuna den careda di 8:10 pm polis a presenta dilanti di parlamento unda cu tabatin un turista basta bebi ta cana lomba afo. Polis a atende cu ne y a deten’e debi cu e ta burachi riba caminda publico.
Un rato despues a haya informacion cu su pareha tambe tabata basta bebi y ta den e area di e hotel Renaissance. Mesora patruya a bay controla y a topa cu ne sinta hunto cu e personal di e hotel.
E personal di hotel tabata papia cu ne pasobra e tabata perdi debi cu a bebe hopi y hasta a saca ful su curpa. A transport’e tambe pa warda di polis hunto cu su pareha. A logra haya informacion cu nan ta kedando na hotel Riu.
