Pareha cu problema social pa lunanan largo bibando riba caya mester di ayudo

Ya pa algun luna caba, tin un problema den e area di e edificio di Departmento di Asuntonan Social. Tin un pareha cu tin mester di yudansa social.

Pareha cu problema social lunanan largo riba caya casi den porta di Departamento di Asuntonan Social

Posted by 24ora on Monday, March 25, 2019

Aunke cu tur hende den e departamento sa di e problema di e pareha aki. Toch a topa nan pa algun luna caba, varios biaha riba caya y drumi riba caya.

E pregunta ta, ki dia nan lo haya yudansa. Tur hende cu ta riba caya, tin un motibo pakico nan ta den e situacion eynan. Haime Martines, conoci como Haime Pasto y su pareha ta den necesidad. Kisas Haime tin un record den su bida, pero e tambe ta hende. Hasta e falta un pia. Awe e ta bibando riba caya sin cu e por haya yudansa. Yudansa kisas ta na caminda.

Segun Haime, el a bay pidi onderstand, pero nan ta bir’e, bisando cu ta un proceso. Te awo por ta na Mei e lo bay haya onderstand. Nan lo kier dune 450 florin, pero esey no ta yuda cu nada.

E kier un cas, polis tin su auto. Fuera di esey e tin un pia amputa, despues di tin un problema di circulacion. Parti di e problema ey, e ta culpa e hendenan di KIA, pasobra nan a ignora e problema.

Tambe na hospital nan a gañ’e yen di cos. E dokternan ta bin torment’e tur dia, door di a bis’e cu door di kita su pia, e ta haya cas, e ta haya placa, laga e famia ten’e un luna y despues di esey e ta cla. Pero ora el a sali, nada di esey no a tuma luga. Haime mes a perde su pia na November di 2018.

Segun Haime, nan a bis’e cu e no ta cumpli cu e citanan. E tin mester di un paspoort, pero recherche a bay cu su paspoort despues cu a ristra su cas. Diabierna ultimo el a bay busca su paspoort, pero a bise cu e grupo di recherche cu ta haci inval, ta ubica awo te na San Nicolas. Con Haime ta yega San Nicolas, e no tin vervoer of placa pa nan por hib’e pa busca su paspoort.

Tur hende ta papia pa haci mil y un cos. Pero awendia tur cos ta placa y e no tin cos di move.

Na DAS, a bis’e cu nan lo yude pa e caba di saca su cedula y na Mei e lo bay cobra. Na Mei, nan lo pag’e 450 florin y ta pone algo extra di dieet, pa e por cobra, pasobra nan a pone cu un aña como handicap.

Pero awo, e pregunta ta, despues di un aña su pia ta crece? Segun DAS, despues di un aña Haime por traha. Pero e no kier esey. Tin hende cu tin pia mes, ta haya 900.

Unda cu Haime y su pareha ta durmiendo, ta haya cooperacion di e doño di e edificio. Nan kier e pareha aki bon. Nan ta cuida e luga. Durante dia nan ta bay Samba, y anochi nan ta pas’e na e edificio den Lagoenweg. Haime a expresa di no kier keda mas riba caya.