Despues di un break chikito siman pasa, Paranda di Balashi ta bek diabierna na Manglo Halto Sportsbar na Pos Chikito.
E paranda ta cuminsa pa 7’or di anochi. Bandanan musical lo ta Robert y su Solo Banda, y tambe Grupo di Betico. Lo ta un anochi sigur yena cu ambiente. Ta bay tin sigur Bucket Special. Ta bay tin Chill, Balashi, B52 disponibel na Mangel Halto.
Un invitacion ta bin di parti di Brouwerij Balashi y Tropical Bottling, pa asina bin na Mangel Halto Sportsbar.
Tradicion
Como cu ta un tradicion di mas di 15 aña cu ta haciendo esaki y siguramente, hunto cu clientenan ta bishita bario pa bario pa 10 siman largo tur diabierna, te cu dia 20 di december proximo.
Orario
E paranda ta cuminsa pa 7’or di anochi y ta bay te den oranan di 11’or pa 11’or y mey. Pa esnan cu ta interesa pa tin mas informacion, por sigui nan riba Facebook. E biaha aki nan no lo ta e parti dilanti di Mangel Halto, sino na banda. Mirando cu ta bay tin dos banda e aña aki compara cu aña pasa, ta spera un multitud basta grandi di hende cu lo t’ey presente. P’esey a dicidi pa pone net banda di Mangel Halto e biaha aki.
Deals
Tur bucket pa loke ta trata cerbes, ta bay ta bao di 25 florin. Esta Chill, Balashi lo ta na 20 florin, como tambe B62 cual lo tin un prijs super special.
Evento gratis
E evento aki ta completamente gratis. Asina ta un y tur ta invita pa bin na e di cuater edicion di Paranda di Balashi na Manglo Halto Sportsbar na Pos Chikito diabierna awo. Ta bay tin cerbes friu friu. Ta na Mangel Halto bo mester ta.
