Aruba Softball Bobd ta recorda tur su miembronan riba e reunion extra ordinario cual lo tuma lugar diahuebs awor 14 di Maart cuminsando pa 715pm na Technical Center Angel Botta na Stadion Frans Figaroa na Noord.
Aruba Softball Bond lo duna un update pa cu aña 2019 y hunto lo repasa reglamento di campeonato mientras lo discuti un fecha pa inicio di campeonato 2019. Aruba Softball Bond tin pensa pa cuminsa final di April pero semper e Teamnan ta duna nan sugerencia y hunto nos lo confirma un fecha. Campeonato U16 femenino y AA femenino , A- Klas y AA masculino ta riba agenda. Tambe lo pasa riba e calendario di competencianan reconosi internacional pa asina active selecionnan cu mester drenta etapa di preparacion.
Tin hopi planes pa cu softball organisa. Teamnan tin oportunidad pa trese cualkier mocion durante reunion cual lo wordo trata alinstante. Aruba Softball Bond ta pidi tur equiponan pa cuminsa cu nan trainingnan preparando asina pa campeonato 2019. Ta pidi pa 2 miembro di cada organisacion ta presente. Equiponan nobo cu kier bira miembro tambe por asisti e biaha aki pero klaro sin derecho di voto. Lo bay tin documentonan na sitio cu lo por wordo jena mesora. Por jama Secretaris Andres Krozendijk na 5941032 of Vice president Chipen Chirino na Softball den pleno preparacion pa inicio di campeonato 2019.
