Basta hende a wordo manda cas. E hendenan di e gobierno nobo ta usa slogan di Ser Humano ta Central, pero prome cu aña caba a manda cantidad di hende cas segun Marlon Sneek di AVP. Mama y tatanan di famia riba caya, sin salario, prome cu aña caba. Por mira cu pa pasco ta manda pakete. Prome cu aña a caba, a haya cartanan di retiro y bisa nan cu no mester di nan mas. A mira tambe hasta algun miembro di fraccion di MEP purba pinta e cosnan bunita den un rueda di prensa. Pero sa bon cla cu ta un persecusion politico tin.

 

Bushiri

Tin mas punto cu a nota cu minister di turismo a trece dilanti. E proximo gobierno cu asumi su responsabilidad, no lo sigui cu plan di AVP. Por mira esaki ta referente na e proyecto di Bushiri Hotel segun Marlon Sneek. Esaki ta e mesun perosna cu a bisa cu ta gaña gobierno ta gaña pasobra nan no a bin parlamento y pidi pa basha e edificio abao. Awe tur hende por mira cu e edificio eynan no ta existi mas. Gabinete Mike Eman II, manera cu a priminti, cu ta bay duna pueblo un pida, den e caso aki, beach bek, pa nan por disfruta di dje. Awe ta mira cu e doñonan di partido. Tanto esun di POR y esun cu a sponsor Dangui Oduber, sa cu ta loco pa haya e pida tereno aki pa traha su Boutique Hotel. Manera tur hende sa, e fam ta cuminsa cu Van y tur hende ta interesa den e tereno aki. AVP lo ta skerpi y vigilante. Manera cu a bisa, e area di Bushiri Hotel ta bay bek pa e comunidad. Antes eynan tabata wordo yama Mambo Beach. Eynan nan tabata disfruta antes y diberti. Pesey a pone e beach disponibel bek pa e comunidad. AVP lo no permiti ningun hotel bin mas eynan segun Marlon Sneek. E ta un area cu mester bay keda pa e comunidad por disfruta di dje, pa muchanan por bay baña y disfruta, relaha. Famianan por bin hunto den fin di siman of durante vakantie, pa asina tin algo educativo, ehemplar y familiar pa haci hunto.

 

AVP alerta

AVP ta keda vigilante pa Bushiri Hotel keda pa e comunidad. Sigur den e area aki caminda cu nan ta loco pa give away, pasobra nan tin cu cumpli cu sponsor di campaña. Lo bay ta vigilante pa en todo caso pa percura cu e beach keda di comunidad. Si mester yama militantenan di AVP yega cu e meta pa salvaguardia e lugar aki nan lo haci esaki y keda pa publico y no keda den man di tercera, cu despues nos conciudadanonan no por haci uzo di e beach aki.