Algo pasa di 6or y 15 diahuebs atardi, patruya di Noord a wordo mobilisa riba e caminda di Sabana Liber poco pabou di Wey Ming Supermarket. Eynan un auto a cay den e rooi. E unidad a mobilisa su mes na e sitio y na yegada a bin topa cu un Kia Serrato color cora numera A-4909. Polis a baha den e rooi y a bay atende cu e manehador. El a conta polis cu e tabata biniendo ariba riba e caminda di Sabana Liber y pa un of otro motibo a perde control y bay cay den e rooi. E chauffeur no a resulta herida. Daño material tabata minimo. Takelwagen a wordo poni na altura pa asina saca e auto for di e rooi.
