Na momento cu a bira conoci cu tin vacuna disponibel contra COVID-19, e reaccionnan tabata mixto bou pueblo di mundo si ta tuma esaki of no.
Hopi ta mira direccion di nan dokter pa conseho y otronan cu tin hopi fe, ta consulta cu nan consehero spiritual. Por a tuma nota cu Obispado di Willemstad tambe tin e asunto aki den mente y ta bisa e fielnan den un mensahe cu pa nan e vacuna ta aceptabel, inclusive Papa mes ta curasha e hendenan pa tuma e vacuna.
“For di ultimo shen aña, nunca humanidad a conoce un fenomeno di e magnitud aki manera ta e caso cu e pandemia Covid-19 y e situacion mundial ta demostra cu e ta leu di keda elimina,” Monseigneur Luis Secco, di Obispado di Willemstad ta bisa den mensahe pa tur sacerdote, diacono permanente, religioso y Laiconan di su Diocesis.
E mensahe cu el a manda tabata: Rumannan, mi ta invita boso pa ora tin e posibilidad di tuma (haya) e vacuna, sinti bo liber y sa cu medicamente y moralmente nan ta acepta, alabes ban sigui tene cuenta cu e medidanan necesario pa cuida nos mes y cuida otro pa asina nos por detene y, si ta posibel, elimina e pandemia di COVID-19.”
Pa e declaracion mas largo di Obispado di Willemstad por lesa TREMPAN.
