Den fin di siman Quisqueya Softball Team, cu ta existi for di 2005, a batisa nan uniform. Aunke cu e ekipo ta existi for di 2005, Lenin Ashby a conta, cu tin hungado cu conoce otro y ta practica softball hunto pa mas di 25 aña caba. P’esey nan ta manera un famia.
Nan ta contento cu, a pesar di tur e situacion di ultimo añanan toch ta haya sponsorship pa nan uniformnan. Asina tabatin un ciudadano Mericano cu a sponsor nan dos dos biaha y e compania COVENCA cu semper a coopera cu nan. E ekipo a yega di sali campeon di Copa ABC.
Aworaki nan ta spera cu pronto por tin mas campeonato pero tambe cu e publico, cu ta esun cu ta apoya nan grandemente, por acudi. A batisa e uniform cu e likido mas popular ultimo aña: Sanitizer.
