Despues di e reunion entre Prome Minister, mr. Evelyn Wever-Croes, y Gobernador Interino a termina, e mandatario a bay di biaha Bestuurskantoor pa informa comunidad kico tur a pasa. El a haci esaki den un conferencia di prensa extraordinario.
Aki el a informa comunidad cu el a entrega e retiro di su gabinete, cual ta entregamento di retiro di ministernan y pa disolve Parlamento di Aruba. El a haci esaki despues di e anuncio di Ministerio Publico. Gobierno a consulta kico ta e prome reaccion di e violacion di integridad door di un miembro di coalicion. Ta considera e consecuencia aki di tal peso pa gobierno conclui cu mester tuma e conclusion politico mas severo den e caso aki y esey ta entrega retiro y disolve parlamento.
Conseho di minister a empodera mr. Evelyn Wever-Croes pa entrega su retiro na gobernador. Como gobierno demisionario, e gabinete lo atende awo solamente cu asuntonan coriente te ora cu forma un gobierno nobo. E maneho di crisis COVID-19 ta keda na vigor.
