Dialuna dia 26 di maart 2018, e actual lider di fraccion di MEP den Parlamento, Rocco Tjon lo tene un reunion cu bario di Savaneta. E evento ta tuma luga na Centro di Bario Savaneta y a invita tambe Ady Thijsen y Lider di Partido, mr. Evelyn Wever-Croes.
“Mi a priminti mi votadonan cu cada 6 luna nos ta topa. Di e forma aki e votado ta sinti cu su bos ta influencia Gobernacion. Pues awor cu ta yegando 6 luna, nos ta bay bek na e votadonan”, asina e hoben politico a duna di conoce.
