Manera 24Ora a informa den forma di exclusividad, cu confirmacion di Mando Policial y sindicato di Polis y a haya informacion tambe di Minister di Husticia Andin Bikker kende a mustra cu tin escaces di bala pa entrena pa aspirantnan di polis
E mandatario ta bisa cu tin suficiente reserva di bala pa miembronan di KPA por eherce nan tarea y garantisa orden publico y siguridad.
Segun Minister Bikker, no ta necesario pa bruha un cos cu otro pero tin un escaces temporal di bala pa practica y esaki ta un asunto cu e gobierno actual a hereda di e gobierno anterior dor cu tin un diferencia di opinion cu ta reina c’un proveedor pa basta tempo caba.
E escaces di bala pa practica lo ta resolvi pa mas tarda pa otro siman a base di cooperacion den Reino caminda lo ricibi un cargamento di bala for di Bonaire.Ta trahando tambe pa trece un solucion permanente prome cu fin di luna.
