Tin varios cos cu Guarda Costa ta constata, entre otro botonan local, si nan ta cumpli cu reglanan di siguridad. Segun Louis Kirindongo, nos botonan local en general, ainda tin cosnan pa drecha. Tin un vaartuigverordening nobo cu ta pendiente pa wordo publica y esey lo bay yuda mas tanto den e parti eynan di siguridad riba lama.
Dicon
Eyden tin e ora ey tin cierto medionan di siguridad cu nan mester tin riba boto. E ora ey e ta ancra den ley cu nan mester tin abordo, pa asina nan por nabega. Esey lo bay duna un tiki mas forsa como Guarda Costa pa por haci’e. Mientras tanto, locual cu ta purba modo di haci ta, concientisa e botonan cu e parti di siguridad ta algo personal. E ta pa abo mes como capitan di e boto y tambe esunnan cu tin riba e boto. Mayoria biaha, ora tin hende riba boto, sea cu bo ta cu bo famia, of amigonan, cu bo conocinan. Si bo ta preocupa pa nan, bo ta percura pa bo asuntonan abordo tambe ta na ordo.
Kico ta pasa
Lama ta otro for di tera. Riba tera, si bo mester hayabo cu cualkier problema cu bo auto, bo ta pone bo auto un banda, ta baha, bo por cana, bo por haci bo yamadanan. Hende ta bin caminda cu bo ta. Pero riba lama, lama ta asina grandi y influencia di biento, influencia di coriente, etc. e boto ta sigui drief bay mas leu. E ora ey loke ta pasa ta bira mas dificil pa yudansa yega. Si abo no tin bo medionan di siguridad abordo, bo medionan di comunicacion, un flare cu bo por manda un señal, mustra cu bo ta den cierto problema, etc. e ta bira hopi dificil e ora pa bo por haya e yudansa cu bo tin mester. Guarda Costa tey pa duna e servicio ey tambe di asisti, na momento cu botonan ta den problema. Esey tambe ta un di e tareanan di Guarda Costa. Si e botonan, cada un conciente cu bo ta riba lama, cu tin su risiconan cun’e, si bo tin bo materialnan di siguridad na ordo, tin hopi chens cu ora bo haci e yamada necesario, Guarda Costa ta sali pa duna e ayudo necesario tambe.
