Diadomingo a tuma luga un obra teatral cu a relata e bida di e conocido figuranan Nathaly y Ski, kendenan ya a bay laga nos, unda a ilustra e bida dificil cu nan a pasa aden. E obra teatral aki a tuma luga den Cas di Cultura y e sala tabata practicamente yen.
Audrey Croes-Lacle, presidente di Adopt an Addict, a comenta cu e ta hopi emociona. E obra aki no tabata un obra facil pa haci. Pa bo drenta den e rol di un adicto ambulante, como un persona normal, haci fechoria, papia cierto cosnan. Pa Croes-Lacle, tabata un comunicacion asina close. E tambe a hunga un pida aden, loke ta teatro.
Awor aki e sa di aprecia, e ta mira teatro cu otro wowo, pasobra e ta un esfuerso hopi grandi pa por drenta den un rol. Pero e cos mas bunita ta, cu e storia a touch hopi hende.
Kico ta sigui
Awe dialuna, Audrey Croes-Lacle, mester a bay na Ministerio di Enseñansa, mirando cu nan kier hiba e obra aki scol. Tin tentativamente caba dia 8 y 9 di April. Ta mirando diabierna awo, dependiendo di toets of proefwerk cu e muchanan tin, cu tambe ta bay haci’e e ora dia 5. Tambe tin cu planifica e scolnan di San Nicolas, cu ta Colegio Arubano San Nicolas, EPB, tur bovenbouw. E obra aki ta trece un mensahe cu tin cu hiba pa e muchanan, cu por bin cambio y cu e bida no mester ta mahos.
Cada un di nos mester pone un granito, pa nos pueblo por papia atrobe di “One Happy Island.”
E situacion ta hopi dificil. Droga ta riba un escala hopi halto. Alcohol, abuso y bo ta wak cu tur e cosnan aki ta liga na otro. Di un forma of otro, un ta trece e otro. Esey ta e mensahe di e obra, pa Aruba, ban lanta ariba, wak rond di nos. Care loke ta pasa rond di bo. Anuncia si bo ta mira algo malo ta pasando. Duna e tik, yuda. No bira cara pa e peliger. Esey ta loke a pasa hopi.
Ora cu bo habri cualkier corant, of mira cualkier noticia, tristesa ta yenabo. Esey no ta un “One Happy Island” mas. Esey ta loke kier bay bek p’e. Ta bay lucha pe. Cu e tipo di mensahenan aki, yega na cada cas, cada mayor y cada yiu, esey ta e deseo. Tanto di Adopt an Addict, como Rosea Cultura. E publico cu a wak e obra diadomingo anochi, sa kico bon e mensahe ta, Audrey Croes-Lacle a finalisa.
