Den fin di siman den oranan di anochi, radarnan a detecta movecion di un boto sospechoso den direccion di Aruba. A pidi e avion DASH di Wardacosta pa asisti pa verifica e contacto. Den ora nan di marduga, dos Metal Shark a sali pa asina topa cu un boto tipo ‘Yola’ cu un total di nuebe persona indocumenta cu nacionalidad Venezolano abordo.
Prome cu e unidadnan a yega, esunnan riba e boto a logra di benta e bultonan den awa. Sinembargo, e unidadnan di Wardacosta cu asistencia di e helicopter a recupera nan. Ta trata di mas o menos 850 kilo di cocaina y marihuana, cu a keda confisca.
A entrega e personanan y e droga na personal di Cuerpo Policial di Aruba. A sigui cu e proceso di investigacion y a destrui tur droga.
