E resultado di hendenan cu a recupera awe di COVID-19 ta 40, mientras a bin 12 caso nobo y tur ta residente. Esey ta haci cu e “positivity rate” bou residente ta 10%. E total di casonan activo ta awe 205, total di testnan haci ta 273, testnan haci bou di residentenan na laboratorio di hospital ta 123. E total di casonan di fayecimento relaciona na Covid-19 ta na 36.
Hospital ta informa cu tin un total di 12 persona interna di cual 2 den Cuido Intensivo y 10 ta isola riba piso general.
Pa sigui controla e pandemia di Covid-19 ta importante pa comunidad ta alerto y na prome indicacion di sintoma tuma contacto cu dokter di cas pa por haci un test. Door di isola e casonan positivo por controla e virus y stop e di sigui plama.
Ban sigui cuida, Aruba ta conta cu bo pa sigui maneha y controla e virus di Covid-19.
