Ta fayece na Ecuador casa di e pareha mas bieu di mundo

E Ecuatoriano Julio Cesar Mora Tapia, di 110 aña, a fayece diahuebs anochi den su cas na Quito, poniendo asina fin di loke tabata, segun e buki di record di Guinness, e pareha casa mas bieu cu tabata tin na mundo.

Fuentenan di e famia a indica na Efe cu Mora Tapia a fayece banda di 11’or di anochi ora local “banda di su casa Waldrita”, Waldramina Maclovia Quinteros Reyes, di 104.

“Ora cu Cecilia, su yiu muhe, a drenta pa wak nan, e ta haya su tata sin bida,” fuentenan a bisa.

E anciano, kende desde augustus a bira hunto cu su casa e pareha di mas bieu pa record Guinness,  oficialmente a fayece pa “demencia no specifica,” y a dera diabierna den un di e santananan di e capital.

E matrimonio, cu tabata uni 79 aña y a drenta den e Buki di Guinness na augustus, tabata tin cinco yiu – e mayor di nan a fayece tempo e tabata tin 58 aña-, 11 nieto, 21 bisanieto y 9 tataranieto.

Julio Cesar y Waldramina, cu a dedica nan bida na enseñansa, a comparti ademas un historia curioso di romance cu a cuminsa tempo nan tabata hopi hoben, rond di nan 20 aña di edad.

Segun e relato di Guinness, Waldramina tabata sa bishita un di su ruman muhenan durante e periodo di vakantie, den un edificio na Quito unda cu Julio Cesar tabata biba.

E casa di su ruman muhe tabata primo di Julio Cesar y asina nan a conoce otro y a cera un bon amistad prome, despues cu a consolida cu shete aña di noviazgo, cu na final nan a casa.

Den un entrevista cu Efe tres luna pasa, Waldramina a bisa cu e tabata encanta Julio Cesar pa su potencial literario, principalmente pa e poesianan cu e tabata skirbi, mientras cu el a keda atrapa pa e beyesa, e gran curason y e firme caracter di Waldramina.

Nan a casa dia 7 di februari 1941 den un ceremonia intimo y secreto, ya cu, manera hopi pareha, tabata tin algun tipo di resistencia di nan famianan pa loke ta nan union.

Autor: EFEI0499