E festividad of solemnidad di tur santo, dia 1 di November y dia 2 di November ta dedica na nos difuntonan. Ta un custumber masha bunita pa nos corda nos difuntonan. Den nos credo nos ta profesa nos fe den e comunion di santonan. Na caminda nos ta mira cu iglesia no solamente ta na caminda, iglesia peregrino, pero e iglesia triunfante, cual ta wordo celebra dia 1, e iglesia cu ya ta den shelo. Pero ta papia di iglesia di purificacion.
Dia 2 di November ta atende cu esnan cu por drenta reino di shelo, por imagina cuanto purificacion di alma hende tin mester pa por drenta. Riba e fecha aki ta invita pa oracion, pa resa pa e difuntonan.
Si por ta ofrece un santo sacrificio di difuntonan, pa nos respeta e luga di ultimo sosiego cu ta santana. Kiermen, bin bishita e graf, haci oracion na e graf di bo ser keri difunto.
Cende luz, dorna. Ta mira luganan masha bunita caminda cu hendenan ta bay den forma regular santana. Na Aruba, tin santananan basta descuida. Tin cu corda tambe pa hiba pagonan cu tin cu haci pa por mantene nan. Pero vooral, oracion pa e difuntonan.
Loke ta interesante pero kisas nos ta descuida, cu riba dia di tur difunto, iglesia ta duna indulgencia. Indulgencia ta, caminda oracion, cumpliendo cierto normanan, ta libera un alma for di purgatorio. Cu exigencianan comun, cu ta oracion cu intervencion di papa, iglesia, lesa credo, haci confesion y participacion na comunion na un manera digno. Bo ta ofrece na un difunto, bo ta libera alma di e difunto, ta e cos mas grandi cu nos por haci pa un ser keri, cu tin mester di atencion, cu pa medio di indulgencia, si nos por liber’e for di purgatorio pa e por bay shelo.
Cu e condicion aki pa bo mes ta den estado di gracia, ricibi comunion na un manera digno y cumpli cu e exigencianan ya menciona.
Simplemente atencion pa nos difuntonan riba dia 2 di November cu ta Dia di Tur Difunto.
