Astrid y Charled de Palm a bebe un dushi glas di biña cora na The Sopranos Piano Bar diasabra ultimo, mirando e accion y disfrutando e musica na e popular luga den Arawak Garden.
“Nos sa di Sopranos for di promocion y pagina di Facebook tambe, door cu nos ta biba na Aruba. Nos gusta e concepto di un piano bar cu musica lite y cancionnan riba peticion. E luga tin bon servicio y hendenan cordial,” nan a bisa, y a agrega “saludos.”
The Sopranos Piano Bar semper tin un ambiente “hopping and bopping” y ta haci cu cada bishita ta uno dibertido. Un pianista ta lanta e ambiente te den halto y cu voznan contento clientenan ta canta riba cancionnan bon conoci.
The Arawak Garden, yena cu bon restaurant y kiosco, ta situa dilanti di Barcelo Resort riba e hi-rise strip.

Comments

comments