Detenshon di un sospechoso

Djasabra 5 di ougùstùs 2017, alrededor di 00.25 or, e tim di Mantenshon di órden Públiko durante nan patruya na altura di e krusada Rooseveltweg/ Micaweg a duna shofùr di un outo òrdu pa para esaki. E shofùr no a duna oido na e òrdu di polis i a sigui kore ku velosidat haltu. Mesora e agentenan a start ku un persiguishon tras di e outo den diferente kaya den área di Mahuma ku a bai terminá Riba Kaminda Amatista, kaminda e patruya a logra di para e outo. Polis a detené e shofùr R.L.C. nase na Kòrsou di 28 aña di edat pa no sigui òrdu di polis. Durante kontrol den e outo, polis a haña i konfiská dos (2) saku di plèstik ku algu di droga. Tambe polis a konfiská e vehíkulo pa mas investigashon. E okupante ku tabata den e outo a logra di kore bai i durante di su huida e la los tiru den laira i sigi kore.
A presentá e sospechoso dilanti di un Fiskal Ouksiliar.

Comments

comments