Apesar di e interes, e trahadonan cu a acudi tempran na e reunion convoca pa sindicatonan na Wilhelmina Park, a confronta problema pa atende. Tin masha problema pa estacionamento, pero e interes pa atende e encuentro aki tabata mas grandi.
Esnan cu a staciona nan auto banda di e parke a haya nan mes obliga ta core busca otro luga, ya cu Polis a cuminsa cu control eybanda.
Pero banda di esaki, por bisa cu mayoria di hende a cuminsa yega despues di 8’or di mainta.
Ainda na ultimo ora di diaranson ultimo a trata di “intimida” trahadonan cu un circulario pa controla kendenan no a acudi na trabou pa bay e reunion convoca door di e sindicatonan. Esaki riba su mes no tabata necesario, segun diferente comentario, ya cu tur hende sa cu e tipo di reunionnan aki cu nan atende ta bay estilo di “no work, no pay”. Pero e expresion aki asina cu e wordo uza, empleadonan ta sinti esaki como un menasa.
Pero e lucha pa indexering ta mas importante pa cual por a mira grupo grandi di empleadonan publico presente.
