Manera ta conoci, e ta un tradicion cu e partido mas grandi a core e parada di victoria. Esey ya pa algun aña tabata asina. Pero den e caso aki, AVP a sali un biaha mas e partido mas grandi. Den e mesun rosea tin cu bisa cu a combersa cu e lider di AVP, prome minister Mike Eman, kende a confirma na nos cu nan no lo tin parada dia 24 di September. Nan a scoge pa no core e parada y cu a duna e espacio pa e dos partidonan, esta MEP y POR cu lo bay forma Gobierno e chens pa nan core e parada. Esey ta e informacion cu nos a haya y e lider di AVP a confirma esey tambe. Mirando e resultado di eleccion, aunke cu AVP ta e partido mas grandi, a scoge den e caso aki laga e dos partidonan cu lo forma gobierno esta MEP y POR, bay core e parada si nan ta desea.
