Recientemente tin un video di un wega entre La Fama y Nacional U15 cu ta circulando den comunidad. Pa esaki Arubaanse Voetbal Bond (AVB) ta tuma e oportunidad pa informa riba esaki. Como federacion di futbol, AVB ta na altura di e caso aki y ta sigura un y tur di ta tumando esaki cu tur seriedad.
AVB ta informa cu nan ta activamente investigando e incidente aki di cual tur partido ta envolvi. E federacion ta sigura na comunidad cu nan lo tuma e pasonan necesario pa atende cu e problemanan aki na un manera apropia.
P’esey, esaki ta encera cu AVB tambe tin e deber di tene na cuenta cu tin varios persona menor di edad envolvi. Pa e motibo ey, na e momentonan aki AVB lo no ta suministrando mas update riba e caso aki.
E federacion ta gradici e preocupacion expresa door di comunidad y ta compromete pa tuma e bienestar, siguridad y derecho di tur esunnan envolvi como un cuestion di prioridad. Tambe manera nan tin e obligacion di cumpli cu ne y ta haci esey segun e “FIFA Safeguarding Policy.”
