Durante surveillance a bin topa cu un adicto ambulante, conoci di polis, den pleno acto di uzamento di droga den area publico. A bay hala su atencion y esaki no a bay mucho bon.
Den careda di 4:00 pm, den Schelpstraat na Playa, a bin topa cu un adicto ambulante buscando su haltura cu su droga su dilanti. E area aki ta conoci pa ruta turistico como tambe un caya caminda hopi hende ta haci compras na e tiendanan den cercania.
Polis, debidamente, a bay atende cu ne pa e no uza droga den e area ey pero e adicto aki no a gusta esaki y a bira fresco cu nan. No a keda ningun otro opcion pa deten’e pero tampoco a bay fasil como cu el a lanta cu nan. No a ni warda riba e transporte di polis pero e patruya mes a hibe warda.
