Gobierno a dicidi cu, debi na e variante nobo di Covid-19 Coronavirus na Brazil y cu ta circulando tambe den Sur America; aerolineanan ta cancelando vuelonan for di destinacionnan di sur America. E medida aki ta pa blokea entrada di e variante nobo di Brazil den nan pais.
KLM a laga su cu nan tambe a tuma medida y a cancela vuelonan procedente di Sur America, sinembargo nan lo sigui bula pa Caribe Hulandes; Aruba, Corsou, St. Maarten y islanan BES.
Aruba lo cera frontera pa ciudadanonan di Brazil entrante dialuna 25 di januari. Actualmente frontera di Aruba ta cera cu Venezuela y Peru. Si lo cumpli cu e peticion di KLM pa nos cera frontera cu Colombia y Panama, no a tuma un decision ainda. Si a pidi pa keda pendiente pa noticianan den media pasobra decisionnan por cambia di un dia pa otro.
Si ta biahando pa Merca of cualkier otro destinacion, sea consciente cu autoridadnan por sugeri of exigi pa bo bay den cuarentena ora yega bek, apesar cu a test negativo. Esaki lo complica biahamento pa cualkier pasahero, hasta cu tin chens cu bo ta keda pega den exterior.
