Diadomingo marduga, banda di 2:00am, un auto marca Nissan modelo March color blanco biniendo for di direccion Palm Beach, a perde control prome cu el a yega e rotonde di Super Food, dal den un borchi di trafico y pa despues dal den mata y termina memey di yen di cadushi.
Afortunadamente ningun hende a resulta herida den e accidente. Polis a presenta na e sitio pa tuma nota di sucedido. Daño material ta considerabel.
