Cerca di e prome aniversario di e halsamento popular cu a wordo hoga den sanger pa e gobierno di Daniel Ortega na Nicaragua, e represion ta sigui rampante y e dialogo cu ta compaña e Organisacion di Estadaonan Americano (OEA) y Vaticano, ta den un ansiedad.
Democracia ta agonisa den e Tera di lago y volcannan y cun’e e periodismo independiente tambe ta haya su mes den extincion.
E siman aki, ora cu a finalisa su reunion semi anual na Colombia, e Sociedad Interamericana di Prensa (SIP) a exigi e gobierno di Managua e liberacion inmediato di e periodistanan miguel Mora y Lucia Pineda, cera for di December sin e debido proceso y cu, segun testimonio di parlamentarionan Europeo, ta sufri trato inhumano.
E caso di Mora, director di e Canal 100% Noticias di Managua, clausura, ta particularmente sensibel. Algun siman prome cu su aresto, el a ricibi e Gran Premio na Libertad di Prensa, durante e di 74 Asamblea di SIP na Salta, e nomber di periodismo independiente di Nicaragua.
Pineda, di su banda, ta e unico hende muhe periodista encarcela den e Hemisferio Occidental. SIP a rechasa ademas e impunidad den e asesinato di e periodista Angel Gahona, cu a sosode un aña pasa y cual investigacion tabata un montahe pa encubri e responsabelnan. E Comision Interamericana de Derechos Humanos (CIDH), a otorga medidanan cautelar na e casa di Gahona, debi na e menasanan ricibi pa denuncia impunidad.
For di April di 2018, a registra mas di 700 agresion contra e ehercicio di periodismo, mayoria cometi pa Polis nacional, turba y civilnan arma liga na Ortega y su casa, Rosario Murillo. E persecusion aki a obliga 66 periodista na refugia den exilio, manera cu e e Alto Comisionado di Nacionnan Uni pa Derechonan Humano, Michelle Bachelet a comunica den su mensahe na SIP.
Diasabra ultimo, algun ora despues di a anuncia e prome acuerdonan den e dialogo entre gobierno y e Aliansa Civico pa Husticia y Democracia, un simpatisante di Ortega a ataca cu tiro na un manifestacion opositor cu saldo di tres herido. Dialuna, e gobierno tambe a no a cumpli cu e acuerdo cu lo libera for di Duana e insumonan pa impresion di e corantnan La Prensa y El Nuevo Diario.
Ta cla cu e gobierno Nicaraguense ta uza dialogo como un tactica dilatorio, sin concede ni un centimeter di espacio na e oposicion. Den materia di Husticia, ta insisti cu e crimennan perpetra na April di 2018 por wordo investiga pa polis, un di e agresornan of e Asamblea Nacional, totalmente controla pa e hendenan di Ortega y su casa.
Tambe e regimen ta rechasa a inclusion di CIDH y Nacionnan Uni como garantenan di e acuerdonan di paz. Ambos organismonan supervisor a wordo expulsa di e pais aña pasa tras di a responsabilisa e forsanan di gobierno pa crimennan di lesa humanidad.
Ante e situacion aki, ora cu opcionnan pa un rescate di Democracia ta mustra di ta reduci, e comunidad internacional tin e obligacion di mantene su mes firme entorno na e pueblo Nicaraguense cu tanto a sacrifica pa su liberacion definitivo.
