Kevin Marquez conoci como Nahliel ta un hoben Gospel-Artist local cu lo ta bayendo Miami, Florida 18 pa 21 di mei pa un evento yama “Expolit”. Kico ta Expolit? Expolit ta e cumbre di e industria cristian latino cu ta tuma luga tur aña na Miami, Florida.
Esaki ta un evento unda cu tur e medionan cristian ta topa y expone lo cual nan ta specialisa den nan tereno por ehempel artista, musico, escritor, locutor tur di e medionan cristian.
E intencion tras di esaki lo ta pa avansa e reino di Dios y crece den e area musical pero tambe por representa Aruba riba un stage internaconal unda cu hopi artista y medio cristian di hopi paisnan Latino-Americano lo ta presente.
Pa por haci e biahe aki posibel Nahliel a organisa un fundraising concert unda cu tur e fondo nan recauda lo sirbi pa cubri e gastonan cu e biahe aki lo rekeri.
E concierto aki lo tuma luga na Iglesia Hesus Biña Nobo LG Smith Boulevard #150 y entrada lo tin un costo di 10,- florin pa tur esnan cu lo kier bin apoya e hoben aki.
Nahliel ta extende un invitacon personal na henter e pueblo di Aruba pa por conta cu boso apoyo.
