Diamars mainta, polisnan a bay na un adres na Tanki Leendert, pasobra doño di un auto a sali mainta for di su cas y topa cu un situacion desagradabel.
Ladronnan a yega na e adres y asina ta los tur e cuater wielnan di su auto Nissan March RHD, numera A-57635. A laga e auto riba bloki. Ta mainta el a haya e situacion y despues a yama polis mesora.
Polis a tuma detaye di henter e caso y a keda di busca den vecindario pa mira si nan por topa cu camara of otro cosnan cu por yuda na haya e ladron di e cuater wielnan di un auto Nissan March color cora RHD. Inecesariamente e doño a haya su mes den un gasto, pa asina pone su auto bek riba wiel y por move cun’e pa bay su trabao.
