Awe marduga pa mas o menos 4:30am a sosode un accidente cu brommer net despues di e crusada di Mond’i Fierno na Santa Cruz. Un hoben biniendo for di Balashi direccion Jan Flemming a perde control, dal riba e vangreel y cay riba e caminda di santo. E tabata keha di dolor na pia, pa cual ta sospecha cu e lo a kibr’e.
Ambulance a presenta na e sitio pa brinda asistencia na e victima. Despues di un revision chikito na e sitio, a opta pa transport’e pa Hospital pa tratamento medico avansa. E motorcycle mes a sufri basta daño dor di e impacto.
