Diasabra marduga a sosode un accidente den e bocht peligroso di Sabana Liber. Un auto marca Suzuki modelo Swift color cora cu number A-72572 biniendo for di Calabas, a perde control cu santo cu tabatin riba caminda y a bal den den cura di cas Sabana Liber # 44-A. Den e cura tabatin dos auto staciona, un Suzuki y un KIA, di cual ambos a ricibi sla dor di e impacto. E chauffeur di e auto a opta pa reverse y huy for di e sitio. 

Sinembargo, doño di cas a lanta mesora dor di e inpacto y a yama Polis y duna number di e auto y e direccion cu el a tuma pa purba huy for di e accidente. E no a logra yega mucho leu, pasobra un patruya atento a topa cune na altura di Wei Ming Supermarket. 

Polis a detene un chauffeur burachi awe marduga; El a dal den un cura di cas, ocasiona daño na dos auto para den cura, a…

Posted by 24ora on Saturday, October 12, 2019

Eynan Polis a lag’e supla y e test a sali malo p’e, pues el a surpasa e nivel di alcohol permiti den bo rosea. Despues di a test malo, e chauffeur a opta pa bebe awa for di un boter cu e tabatin den auto, aunke esey no a scap’e su detencion. 

E dos autonan staciona den e cura di cas tambe a ricibi daño dor di e impacto.

Mester bisa cu chauffeur mester tene cuenta cu hopi biaha, ora ta trata di un accidente burachi, cu seguro sea no ta cubri nada di e daño of ta cubri solamente un parti. Nan ta sali for di e punto di bista cu e chauffeur mes a expone su mes na risico y peliger dor di stuur bou di influencia. Tin hurispudencia legal riba e tipo di casonan asina,  unda Hues a duna companianan di seguro rason dor di cobra e asegurado parti of henter e daño cu pa ley, e seguro mester cubri na e tercera persona. 

Den e caso aki no por keda sin menciona cu e chauffeur no tabata mustra burachi na e sitio, pero e test a sali malo. Riba dje e hecho cu a bandona e sitio di accidente despues di a laga un daño substancial atras, no ta yud’e den e proceso. 

Comments

comments