Na Boneiro tin hopi desaroyo ta tumando luga y cu a sosode caba, specialmente den e parti di deporte. Tin un parke acuatico, di cual ta bon uza, pero tambe ta haciendo e parti di mantencion di e facilidadnan deportivo.
Mitchell de Palm, Instituto di Deporte Boneriano (Indebon), a splica tin hopi desaroyo ta andando y a sosode caba, di cual e parke acuatico ta un di nan. E parke acuatico, floating pier, ta un pier publico unda tur hende por uza, por move mas. Tambe por haci uzo di e pier pa deporte manera waterpolo, competencia di landamento.
E parke acuatico aki ta bon ricibi p’e comunidad Boneriano, mirando cu tur dia ta haci uzo di esaki. E ta un bon zet y tur dia mas hende ta haci uzo di e parke. Awo cu ta regatta hopi hende ta uza e parke, pero deporte tambe ta haci uzo. Diferente grupo ta haci uzo di e parke, ta haci landamento di scol, kiermen e parke ta bon ricibi p’e comunidad.
Mantencion riba facilidad deportivo
Nan tin diferente facilidad deportivo cu ta desaroyando, unda ta drecha e veld di tera y ta pone yerba artificial. Tambe ta percura pa tur facilidad tin nan luz p’asina ey mas deporte por haci uzo. Segun de Palm, nan a ripara cu tin mas club ta lantando den e ultimo añanan. Nan kier acomoda tur hende pa nan por practica deporte.
Si tur veld ya caba ta ilumina y tin yerba artificial, de Palm a indica cu ainda no. E ta un proceso cu ta tumando luga, di cual ta bayendo tiki tiki pasobra nan no por haci tur pareu. Nan tin un budget limita y esey ta pone cu tin di mira unda ta inverti, ta desaroya, ta mantene. Nan ta traha di plan di accion pa por ehecuta.
Ricibi inversion
Pa por haci tur esaki, e inversion cu nan ta ricibi ta bin di diferente manera. Nan ta haya un porcion grandi for di gobierno, for di Hulanda. Incluso nan ta ricibi ayudo for di organisacion local.
Pa mas lesa TREMPAN.COM.
