Tabata diabierna marduga cu e futbolista Amy Henao a hay’e envolvi den un accidente serio na Paradera, net ora e tabata bayendo su cas. El a haya hopi sla y sangramento interno, pa cual e ta luchando pa su bida den hospital. Arubaanse Voetbal Bond (AVB) a informa cu tin un misa special pa Amy awe 5:30pm na misa di Paradera pa pidi Dios ilumina e Dokternan cu ta cuidando Amy na Hospital.
Amy ta hungado di e ekipo femenino di SV Britannia y ta masha stima entre su coleganan di ekipo. AVB riba su pagina di Facebook ta bisa cu contricante pa 90 minuut riba veld pero pafo di veld nos tur ta un famia, pa cual ta haci un apelacion riba e mundo di futbol pa uni den un oracion pa Amy.
Fuentenan ta bisa cu Dokternan ta cla pa mand’e Colombia pa tratamento mas specialisa, pero tanten cu su situacion ta sigui critico y no stabiel, ta imposibel mand’e riba un vuelo asina, pasobra e lo ta hopi riesgoso. Ta wardando pa e stabilisa prome, pa por haci e vuelo aki. Amy Henao tin apenas 18 aña di edad.
