Diabierna marduga a sosode un accidente na Paradera, poco mas pabou di Pacifico. Aki ta caminda cu dos dama a resulta herida, un tabata maneha un RHD color cora kima y e otro un Chevrolet color blanco. Ta papia cu e Chevrolet tabata direccion pabou y e RHD pariba.
Esaki no necesariamente ta e version oficial. E pareha di e dama cu tabata maneha e RHD a conta nos cu e y su pareha a caba di come na un restaurant y tabata direccion cas.
E mama di e victima tambe a presenta na sitio, el tabata hopi spanta y preocupa pa su yiu muhe.
E mama no tabata sa mes cu e yiu a sali di cas. E dama a ricibi basta sla na su rudia, a transport’e pa Hospital pa trata medico avansa. Mientrastranto e chauffeur di e Chevrolet a resulta levemente herida.
