Pa hopi aña caba, Departamento di Infrastructra y Planificacion, D.I.P. tin retraso den loke ta otorgamento di tereno.
Tin hopi hende cu tin hopi aña cu nan no a haya niun contesta riba nan peticion y cu a hasta perde pasenshi caba cu e departamento aki. Minister Presidente, mr. Evelyn Wever-Croes, cu ta encarga tambe cu e departamento aki , a cuminsa na bisa cu e por compronde tur esunnan ey cu a perde pasenshi, pasobra cu e mes a perde pasenshi cu e departamento aki.
El a sigui bisa cu lamentablemente, ta añanan di mal maneho. Ta papia di Marisol Lopez-Tromp, como Minister di Infrastructura, bou di e gobierno di MEP. Ta trata di añanan prome cu 2009 bay bek te cu 2001. Sigui pa Benny Sevinger, ocho aña, tambe e combinacion Otmar Oduber y Marisol Lopez-Tromp, tres aña.
Si pa tur e tempo ey, tabata tin orden den desorden, esaki lo no ta pasando.
