Oranje Fonds a inicia awe cu buskeda di proyectonan special cu por bini na remarca pa un Appeltje van Oranje 2023.
E aña aki e tema ta Motivado Constructivo : iniciativanan exitoso di bario cu por surpasa e diferencianan entre habitantenan den bario y cu di berdad ta conecta nan cu otro.
E iniciativanan aki tin oportunidad di ricibi un di e tres Appeltjes van Oranje cu pa di 21 biaha ta otorga. Organisacionnan por registra te 24 di februari 2023 pa bini na remarca pa un suma via oranjefonds.nl/appeltjes. Na october 2023 Reina Maxima ta entrega personalmente tur tres Appeltje van Oranje.
Antena di bario
Oranje Fonds ta compromete su mes, hunto cu iniciadonan social, pa un comunidad den cua hende ta cuida otro, tin oportunidad igual y ta sinti cu nan ta conecta cu otro den bario.
Conexion entre hende ta crucial pa realisa un comunidad envolvi. Relacion social den bario por yuda tur hende den necesidad. Ta forma un base importante pa e acercamento y prevencion di problema di soledad, pobresa y e cosnan contradictorio entre hende.
Tur sorto di desaroyo social, manera pobresa, embehecimento, desempleo, economisacion tin influencia riba e forma cu hende ta cumbini. Covid a haci esaki hopi mas dificil, pero a demostra tambe con importante ta pa tene contacto di cerca.
Afortunadamente tin hopi iniciativa na cua habitante di bario ta compromete pa conecta hende cu otro y sa con pa surpasa e diferencianan. Door di conecta hende di tur gremio cu otro bo ta reforsa e relacion social den bario, ta crea mas comprension bou di otro y hende ta sinti nan mes mas na cas den nan bario. Pa e motibo aki Oranje Fonds kier pone spotlight riba e facilitadonan den e bario!
Tocante Appeltjes van Oranje
Tur aña Oranje Fonds ta otorga e Appeltjes van Oranje, e premio pa iniciativanan cu tin balor pa nan bario. Cu esaki ta premia y recompensa tres iniciativa pa un comunidad inclusivo y envolvi. Iniciativanan unico, creativo y cu ta hopi significativo y cu tin por lo menos 2 aña activo. Cu e premio Appeltje van Oranje e organisacion ganado ta haya na prome luga balor pa su trabou y esfuerso. Ademas e intencion ta pa inspira otronan.
E premio, pa tur tres ganado, ta consisti di un escultura di brons diseña y traha pa Prinses Beatrix y un suma na balor di € 25.000. Ta liber pa uza e montante cu ta ricibi basta esaki ta forma parti di e meta di e iniciativa ganado. Tur aña Reina Maxima ta entrega tres Appeltje van Oranje na Paleis Noordeinde. Den añanan di lustro Rey Willem-Alexander ta entrega e premio.
Tocante Oranje Fonds
Oranje Fonds no ke pa hende ta para nan so y ta desea pa tur hende participa den nos comunidad. Pa e motibo ey nos ta sostene iniciativanan social cu ta traha riba un comunidad cu ta envolvi, cu ta cuida hende cu temporalmente tin necesidad y ta compromete pa mas igualdad.
E sosten aki ta consisti di conocemento y Netwerk, sosten financiero, tempo y reconocemento. E Fondo aki ta danki na e.o. Nationale Postcode Loterij, Nederlandse Loterij, de Vrienden y companianan. Rey Willem-Alexander y Reina Maxima ta e pareha patrocinado di Oranje Fonds.
