Dialuna a habri cu un bishita special di “Kwartiermakers Slavernijmuseum” na Gabinete di Gobernador di Aruba. Por lo menos dos di e tres “trekker” di e proyecto ta na Aruba pa haci varios bishita y colecta informacion y planta e simia pa e proyecto aki, den cual tur isla lo tin un participacion den dje. Ex-parlamentario Hulandes, John Leerdam ta un di e “kwartiermaker” nan pa e aspecto social mientras cu e otro ta Peggy Brandon cu ta supervisa tur aspecto di museo. Dana Landveld, Afdelingshoofd Diversiteit bij de Gemeente Amsterdam, tambe ta forma parti di e delegacion cu ta na Aruba e siman aki.
Durante nan bishita cerca Gobernador Alfonso Boekhoudt, a duna splicacion di e inciativa cu a sali di Gemeente Amsterdam pa funda un museo nacional di sclavitud, cu lo mester habri den algun aña pa publico. E historia di slavitud trans-atlantico ta forma e punto di salida pa e museo, cu espacio pa inclui tambe e historia di sclavitud Indisch-Oceanisch. E museo lo ta destina pa un publico grandi, cu enfoke riba educacion, arte, conocemento y investigacion.
