Minister Ursell Arends ta biaha pa Portugal pa un biahe di trabou. Arends como Minister di Naturalesa lo ta formando parti di e delegacion Hulandes cu lo participa na e United Nations Ocean Conference. E conferencia aki lo ta tumando luga e siman binidero unda delegacion di Aruba lo compromete boluntariamente pa trece tres punto dilanti.
1. Introduccion di Derecho di Naturalesa na Aruba;
2. Introduci Marine Park ful rond di Aruba;
3. Introduci na Aruba un National Climate Resilience Council.
Arends ta premira un siman hopi fructifero unda e enfoke lo semper ta pa hiba Aruba dilanti, trece solucionan sostenibel cu ta tene consideracion cu nos naturalesa.