Fraccion di AVP a scucha Evelyn Wever-Croes su discurso yen di mentira. E ta papia di baha director den compania estatal nan salario, pero di otro banda a tende experto papia cu si esey pasa di tur otro tambe ta baha.
Lider di fraccion AVP, Mike Eman, a indica cu si por a realisa cu un prome minister ta bisa unicamente dies hende lo ta afecta p’e ley cu ta bay pasa, di otro banda e mandatario a bisa bahando salario di e diesnan aki, lo baha prijs di awa cu coriente. Eynan por mira e inconsistencia y engaño di algo asina. Ta imposibel pa corta dies salario so y esey ta bay baha prijs di awa, electricidad. Loke ta bay pasa dialuna ta pone cu e entrada di director WEB, Elmar SETAR, APFA, Banco Central, ATA, aeropuerto lo ta poni na un nivel.
Tur experto, Raad van Advies a bisa cu na momento pone e suma aki, tur otro ta bay baha. E salario di esunnan cu ta traha na Banco Central, ATA, aeropuerto, WEB, Elmar, SETAR, cada un core peliger di bay conoce reduccion substancial. Na Corsou ta papiando di 26%. Un señora por bay papia y wak pueblo den su cara, bisando unicamente dies hende. “Bo ta kere bo ta bay traha un ley, unicamente dies hende”, Eman a expresa. Tambe el a indica di tin den su poder contesta di Evelyn Wever-Croes su gobierno na momento cu Raad van Advies a bis’e cu e cos aki tin neveneffecten, ta bay trickle down, e mes ta admiti cu esey ta e intencion. E intencion ta pa e baha e salario di tur cu ta traha den e compania y institutonan aki.
Pa mas lesa TREMPAN.COM.
