Durante conferencia di prensa Minister di Medio Ambiente, Ursell Arends, a reacciona riba e parti cu ta stop di ricibi taira na dump, pero ainda tin candela riba dump di Parkietenbos. E mandatario tin un vision pa cera dump di Parkietenbos y esey ta implementa.
E pregunta cu ta bin dilanti riba e echo cu esaki a bira un negoshi pa dos compania priva na luga cu Serlimar mes por a inverti y haci e trabou di procesa desperdicio. E mandatario a indica cu na varios biaha a trece dilanti cu Serlimar ta bay dedica na su negoshi principal di piki desperdicio. Pa loke ta trata procesamento di desperdicio gobierno ta habri oportunidad pa compania priva pa haci esey.
Dialuna a cuminsa na taira y tur e simannan cu por a mira ta huma preto. Arends a expresa cu e huma preto cu ta mira ta di taira, candela di taira como di mata kima na dump. A cuminsa na taira prome y den e lunanan dilanti ta cuminsa redirigi otro deperdicio, asina ey ta procesa nan den forma responsabel. Di yega tira desperdicio riba dump y cende na candela, segun e mandatario, esey no ta un opcion.
Pa mas lesa Trempan
