Quincy Girigori, Minister di Husticia di Corsou ta na Aruba pa algun reunion. El a splica cu nan a reuni riba un tema di prevension.
Ora cu e ministernan bin hunto ta focus riba represion hopi con pa bringa criminalidad. Den e cuadro aki tabata inversionnan a largo plazo, con pa evita cu hobennan cay den criminalidad, inverti den nan formacion.
Na final di cuenta cu tin cu bisa cu maske den cada pais ta bringa criminalidad cu loke por, loke cu tin. Ta mira direccion positivo cu cifranan ta bay. Pero e unico forma pa keda mantene un direccion positivo ta door di inverti den hobennan.
Inverti den gruponan di riesgo ta evita cu hobennan ta tuma un mal decision y forma un pais salud.
Ta orguyoso cu di mira cu e minister a bin riba e tema aki hunto asina sostene nos hobennan y inverti tempo den nan.
Minister Girigori lo reuni cu minister Bikker. A papia basta caba riba e problematica riba Venezuela, e imigrantenan indocumenta, cu cada un di e islanan, specialmente Corsou y Aruba ta luchando cun’e. Con na Aruba ta atende cu e tema y con Corsou ta atende cu e tema.
Diamars, a keda di firma un letter of intend pa asina cumins coopera den comparti informacion pa asina evita cu ora un persona drenta na un manera indocumenta na Aruba. El a wordo saca y pa Corsou tambe ta informacion y comparti pa asina evita loke ta yama un Waterbed effect, caminda hendenan ta purba drenta den varios caminda.
A papia tambe riba e parti di siguridad. Ta riparando cu na Aruba tambe e fluho aki ta afectando e criminalidad, mescos cu na Corsou.
Asina ey e compartimento di informacion por yuda pa evita criminalidad riba e islanan. Esaki ta un paso masha positivo cu lo a cera door di firma e documento aki y sigui asina pa e paisnan yega na un forma di comparti informacion pa asina haci nos fronteranan mas sigur hunto.
Cifranan na Corsou
A calcula for di 2013 cuanto ta e permisonan cu a duna, cual ta 9752 permiso na tur. Ta personanan directamente for di Venezuela.
Ta mira cu na inicio cu ta famianan cu ta bin. Mas na ultimo tempo ta otro tipo di hende.
Hunto cu esey ta bezig cu varios investigacion pa asina determina cuanto persona indocumenta tin riba e isla. Mas of menos un calculacion conservativo ta bisa por lo menos 6000 hende.
Si coy e cifra for di 2013, bo tin por lo menos 15752. Personanan directamente procedente for di Venezuela estableci na Corsou, sin conta esnan cu tabata estableci caba.
Corsou ya ongeveer 10% di e poblacion ta e consecuencia directo di e situacion na Venezuela. Girigori a splica cu nan ta bringando cu tur loke cu por. Pero pa e motibo ey tambe ta lamenta ora cu hendenan conclui riba nan sentimentonan di enemistad.
E comunidad a absorba un cantidad di por lo menos 15 pa 16 mil hende. Nan ta biba y ta parti di comunidad. Simplemente e efectonan riba nivel di siguridad, riba nivel di creamento di ilegalidad riba caya, ta di tal indole, cu como pais no por manehe mas.
Pa e motibo ey tin cu sigui cu un maneho asina, a base di LTU, detene e personanan indocumenta y manda nan bek Venezuela. Te na e momento aki e retonan na Aruba, ta comparabel di loke nan ta na Corsou tambe.
