E famia grandi di Wind Creek Hospitality a bini hunto un biaha mas pa celebra e temporada di mas dushi na Renaissance Marketplace, grandi y chikito a disfruta durante e dianan di fiesta cu entretenimiento en bibo di diferente banda local y e famoso ‘schaatsbaan’ cu e biaha aki tabata dedica na Luna Foundation. Wind Creek Hospitality ta kere fuertemente den trabao comunitario y den duna bek na nos comunidad.
Cu unicamente Afl. 5, por a disfruta di 15 minuut di e ‘schaatsbaan’ na Renaissance Marketplace y contribui na un bon causa. A entrega tur entrada genera durante di e periodo di fin di aña na Renaissance Marketplace na Luna Foundation. Representante di Luna Foundation, Zoe Conijn a ricibi e check di un e bunita suma Afl 16010.25 cual lo yuda Luna Foundation amplia su tereno y construi mas cas pa e cachonan como tambe yuda cu e parti di ciudo na Veterinario.
Luna Foundation ta un organisacion maneha pa un grupo di boluntarionan inspira y ta draai unicamente riba donacion di nos comunidad pa por sigui eherece nan trabao y e lucha pa cu cachonan bandona riba nos isla.
Riba e potret por admira e ambiente na e “schaatsbaan” como tambe entrega di e check na Luna foundation
