Sindicato SEPPA ta sigui e reunionnan cu minister di enseñansa di cerca. Ya caba nan a participa den varios reunion cu e docentenan. Magali Brito, secretario general di e sindicato, a splica cu esaki ta un di e tres presentacion cu ta participa cu minister Lampe ta duna riba e tema di indepensidacion di DPS. Importante pa e sindicato ta e informacion di esaki, pa sa kico ta nifica pa e docentenan. Den e caso aki, ta papia di tres scol cu a tuma iniciativa pa acerca e minister, pa asina nan tambe por ta na altura kico ta pasando. Igualmente pa nan tambe por compara e informacionnan cu nan ta ricibiendo. Por bisa cu ta sinti un poco e tono ta baha. Na comienso di e prome encuentro ta bin cu henter e discusion cu si e hendenan cu MB ta un ambtenaar si of no. Awor aki tin un reconocimento di e trahadonan aki. Pero tambe e no docentenan. DPS no ta consisti solamente di docente, pero di otro gruponan cu ta ondersteun e trabao tambe.
Locual cu por mira tambe ta cu e minister ta insisti riba su argumentonan pa cual e kier converti DPS den un stichting. E prome cu e ta insisti hopi riba dje, cu e ta haya cu e como minister di enseñansa, cu e tin hopi poder riba su mes, y cu e ta hopi peligroso.
E pregunta di sindicato SEPPA ta keda, peligroso den ki sentido. Kisas bo mes no lo por atende cu un funcion y un responsabilidad asina grandi, cu bo ta dispuesto pa push’e den man di un bestuur. Pero di un otro banda, si bo compara cu un gobernador di Aruba, e tambe tin dos pechi. E ta representa reino, pero e ta na cabes di pais Aruba. Por lo tanto no ta mira pakico y te ainda e no ta convenciendo ningun di e maestronan y e resto di e trahadonan, di e motibo cu e bay den e direcciona ki.
Tambe un argumento cu e ta uza masha hopi mes, ta e parti financiero. Unda e ta bisa cu eigenlijk esey ta stroba un poco e funcionamento of di tuma decisionnan efectivo, of manera ta bisa, lihe. Si e landsverordeningennan aki ta peligroso pa un departamento manera DPS, e pregunta ta con peligroso e lo ta, pa full un aparato publico cu ta depende de facto di e landsverordeningennan aki. E argumento ey no ta pasa. Aunke e ta purba di bisa cu como scol of como departamento encarga cu scolnan publico, si tabata tin e posibilidad pa tuma decisionnan mas lihe y eficiente, e landsverordening aki ta strob’e. Di un otro banda ta bisa cu no mester ta asina. E cambio na e nivel aki, bay den discusion cerca tur esnan encarga cu finansas, e ora pa wak con mas lihe bo por haci’e of mas eficiente, tuma decision lunanan prome, si tardansa ta esun cu ta afecta e funcionamento di por ehempel DPS, den e forma cu e ta na e momentonan aki.
E minister riba su mes tin diferente argumento. E ta scoge pa keda bisa e trahadonan aki, cu nan posicion huridico no lo cambia pa nada y cu esey e ta sinti cu e por convence e hendenan, pa bay over den e stichting, mediante pone nan ter beschiking.
