Un reunion cu mester a tuma luga awe merdia entre maestronan di Emma School y minister di Enseñansa Rudy Lampe, finalmente a keda na aros con coco.
E mandatario a cancela y a keda di manda un representante. Na final e reunion no a tuma luga na e scol sino na oficina di Directie Publieke Scholen (DPS) na John F. Kennedy Education Center.
E impresion cu e maestronan y sindicato SIMAR a haya ta cu e mandatario a hala atras despues cu el a tende cu sindicato a invita mayornan y pueblo di Aruba en general pa acudi na e reunion na Emma School na Ayo pa scucha loke e mandatario tin di bisa.
Na final a bini e ordo pa lock e luga asina cu scol caba.
Den un declaracion amplio, presidente di SIMAR Josephine Albertus y Zuleika Wever, maestra, a splica nan pensamento riba e situacion aki.