Resientemente Minister di Enseñansa, Siensia, Kultura i Deporte, sra. Marilyn Alcalá-Wallé a hasi un bishita ofisial na Madurodam (Den Haag) kaminda sra. Thea van de Dulk komo anfitrion i archivares di Madurodam a otorgá Minister Marilyn Alcalá-Wallé e biografia di sr. Maduro kompañá pa un rekorida den e parke históriko.
E Minister a realisá na prinsipio un bishita na e teater di George Maduro situá na entrada di e parke, kaminda tur bishitante ta mira un video inkluyendo e impreshonnan di e bida di George Maduro. George Maduro a nansé na Kòrsou 15 yüli 1916 for di mayornan Hudiu Sefárdiko. Despues e famia a muda i bai biba Hulanda.
George a base di su aktuashon heróiko durante di Segunda Guera Mundial a risibí un rekonosementu ofisial Hulandes posthumo riba 9 mei 1946 komo Ridder 4e klasse der Militaire Willems-Orde.
E kapital pa kuminsá konstruí Madurodam a ser regalá pa e mayornan di George John Lionel Maduro (1916-1945) ku e speransa ku esaki ta bira un monumento di pas i rekuerdo di nan úniko yu hòmber George Maduro ku a lucha i resistí okupashon alemán den e konfrontashonnan kruel durante Segunda Guera Mundial.
