E dos gastonan di mas grandi pa Gobierno di Aruba, ta e gasto di interes pa e debe haci den e ocho añanan prome y banda di esey tambe tin locual ta bira e gastonan di personal. Eseynan ta e dos gastonan di mas grandi cu tabata tin y esey tambe ta caminda cu e prioridad di locual cu Gobierno ora cu gabinete Wever-Croes a drenta tabata dirigi riba dje.
Segun Minister Xiomar Maduro, di Finanza, claramente tin mas cos cu por haci. Den e caso aki tambe pa loke ta bira e tareanan specifico di gobierno y e cosnan cu por laga pa sector priva. Pero mester a traha a base di prioridad.Un di e prioridadnan tabata pa haci loke ta bira e debe cu mester ta uno manehabel y pagabel di pais Aruba.
Den e esfuerso aki ta na prome luga y e di dos luga a atende loke ta bira e gastonan di personal, den cua entre otro, a pidi asistencia di IMF tambe cu a bin pa traha e “wage-bill” pa gobierno dcual tin cu sigui.
For di prome cu esey a bin e BVP (Beleidsplan verlaging personeelskosten), caminda cu a brinda e ora un direccion, unda ta bay pa asina por atende cu e dosnan aki.E mandatario a splica cu en berdad SER a skirbi un rapport na 2008. Gobierno mester a atende cu e dos gastonan aki prome na un manera di mas prioridad, prome cu por sigui bay cu tur e otro gastonan di gobernacion cu tambe e ora ey mester por ta controla of baha of sigui un otro manera.
Por ehempel ta saca cierto tareanan gubernamental y pone nan e ora den man priva.E mandatario a agrega cu semper ora cu haci tipo di cambionan aki, claramente sea ta pidi un rapport di SER of si tin un rapport caba cu nan a traha riba nan mes, ta tene den consideracion.