Di e reunionnan cu a tuma luga na principio di aña na Aruba, hunto cu gobiernonan di Aruba, Corsou, Hulanda y Venezuela, a tuma luga un continuacion na Corsou, caminda cu varios regla di wega a keda repasa pa haya e claridad necesario for di e pais bisiña, kico pa nan, ta contrabando.
Minister di finansas di Corsou, Kenneth Gijsbertha, a conta cu e reunion aki por mir’e como un resultado di esun cu a tuma luga na Aruba, caminda tanto pais Aruba, Corsou y den e caso aki Boneiro, representa pa Hulanda, y Venezuela, a sinta, pa por a papia riba e preocupacion cu tin di Venezuela, a base cu tin traficacion di mercancia, di productonan den un forma ilegal, di forma di contrabando, cu ta sali for di Venezuela.
Tin cu bisa cu na Aruba e tabata un tremendo reunion caminda cu principalmente prome minister di Aruba, sra. Evelyn Wever-Croes, dado momento eynan a hiba palabra y tambe a dirigi e parti inicial y despues a sigui e totalidad di cada isla cu a participa. A yega na e entendimentonan y a wordo poni preto riba blanco cu mester a keda ratifica, cual a tuma su tempo. Pero cu finalmente su ratificacion a tuma luga na Venezuela, e documento a wordo firma y manera cu a keda palabra, e reunion tecnico lo bay tuma luga entre Aruba, Corsou, Boneiro y e delegacion di Venezuela.
Ta spera for di e reunion aki por sali puntonan concreto, caminda cu por sigui estrecha e lasonan, fortifica e totalidad di e controlnan cu mester tin. Tanto Aruba corectamente, Boneiro y Corsou a expresa den e reunionnan, cu nan ta contra di tur loke ta contrabando y cu ta dispuesto pa yuda combati den esey. Pero di parti di Venezuela, nan lo tin cu duna indicacion cu eventualmente cu mercancia cu sali for di Venezuela, cual ta e documentonan adicional cu no ta esnan cu internacionalmente ta rekeri pa duna Douane na cualkier pais cu ta, pa haci su controlnan, cu nan ta kere cu a base di e documentonan ey por yuda controla evita cu productonan cu no tin cu sali for di Venezuela, pasobra nan mes tin necesidad, of cu a bin di contrabanda of robo, por combati esey. Ta spera cu den e reunion cu ta tumando luga na Corsou, Venezuela por duna su indicacionnan, ki documentonan, kisas ki seyo, cual firma nan lo pidi pa tene cuenta cun’e, ora cu mercancia yega for di Venezuela cu documentonan cu lo tin cu pone atencion adicional na dje, los for di e control normal internacional, cu cualkier douane na cada pais tin cu haci, pa tene cuenta cun’e. Di e forma ey, tambe ta yuda contribui y combati tur loke ta ilegal.
Fruta y berdura
Ta papia aki di documento, segun Gijsbertha. Si e frutanan cu ta sali eynan como carga, cu nan tin cu sali cu cierto documentonan, manera manifestonan, cual sea cu ta di salubridad, di higiena cu nan tin, cu nan tin cu duna indicacion kico mester paga tino cun’e un biaha mas. Si ta desea pa yuda nan combati locual cu ta sali. Si cosnan ta sali ilegal for di e pais, en principio, e responsabilidad ta keda na e pais pa nan no sali. Pero den e cuadro ey, ta bisa tambe cu kier sigui aporta den esaki. Ora cu nan sali for di Venezuela, ki documento specifico. Venezuela a bisa cu ora cu e mercancia ta legal, cual ta e documentonan oficial cu nan ta entrega pa e mercancia sali. Eseynan mester keda bon cla. Di parti di douane di e islanan ta sigur, Aruba, Corsou y Boneiro, ta duna aporte cu cualkier mercancia cu bin, e tin e seyo, stampia y documentonan corespondiente cu nan, indica y locual cu nan saca afo. Ademas cualkier otro resolucion, entendimento cu sali afo, tur e paisnan cu ta hunto awor aki, ta dispuesto pa contribui cu otro.
